拍拖易 DayDay Go Dating

STORIES 故事

[名人愛情錄] 李克勤娶得港姐秘訣

娛樂圈中，每次提到恩愛夫妻，李克勤同盧淑儀呢對往往榜上有名。二人感情長達近30年，李克勤一直冇其他緋聞，而盧淑儀則人如其名，一直喺佢背後做賢妻。

盧淑儀1992年參加香港小姐競選，當時李克勤做司儀，問答環節中盧淑儀即場演唱李克勤名曲《紅日》，令李克勤為之心動。當年盧淑儀成為「三料港姐」，成為冠軍之餘，仲拎埋最上鏡小姐以及二十周年金輝大獎。完咗比賽，李克勤就開始展開強烈攻勢，為佢寫咗情歌《妳是我的太陽》，歌詞好肉麻，指自己每次見到佢都會忘形同緊張，又指對方好似月亮同太陽，會話佢知方向。盧淑儀當然大受感動，聽完就同李克勤正式拍拖。好多時香港小姐卸任後都會開始拍劇，但盧淑儀戀愛大過天，卸任後就決定退出娛樂圈，做男方「背後的女人」。

1995年，李克勤歌唱事業陷入低潮，又同唱片公司有合約糾紛，盧淑儀依然對佢不離不棄，更公開喺台上向李克勤表示愛意同支持。2006年二人終拉埋天窗，至今有兩個小朋友，盧淑儀曾經話過：「好開心嫁畀呢個好老公，嫁畀你係我嘅驕傲！」因為李克勤冇同其他女人傳緋聞，事事又以太太為先，平日出席活動，打扮都會問及太太意見。盧淑儀又試過公開同fans講：「妳情願男朋友陪買衫shopping，定還是唔陪妳但埋單？李克勤兩樣都做齊。」

除咗《妳是我的太陽》，李克勤之後都多次以盧淑儀為題材，演繹出《在我身邊》、《當找到你》、《依依不捨》、《尋最》、《飛花》、《三千零一夜》、《十年前後》、《我不會唱歌》、《婚前的女人》等情歌，用歌聲當眾示愛。另一方面，盧淑儀成日陪李克勤周圍去，包括出席好朋友飯局、睇圈中好友演唱會、到世界各地觀睇足球比賽等。佢地仲成日趁囝囝夜晚8點瞓著以後，約好友去打羽毛球到深夜，好識搵樂趣。

~~~~~~~~~~~~~~~~~~~~~~~~~~~~~~~~~~~~~~~~~~

#單對單約會 #單對單 #單對單服務 #戀愛輔導 #愛情 #約會 #SPEEDDATING #DATING #HKRD #goldenmatching #matching #單身 #hkromance #一對一約會 #交友 #交友app #愛情分享 #經營愛情 #戀愛 #HKRomanceDating #幸福 #拍拖 #新婚 #分享 #錯誤 #藉口 #溝通 #香港婚活 #結婚 #搵男朋友 #搵女朋友 #表白 #進修 #愛情來了 #SpeedDating #dating #交友約會 #約會技巧 #hkmdi #香港交友約會業總會