_2.jpg)
![Speed Dating 文章(STORIES 故事): [名人愛情錄] 愛情長跑的最佳代表](/public/upload/blog/1597296155hk romance dating hkrd speed dating matching 拍拖易.jpg)
蘇玉華同潘燦良拍拖24年，最近佢哋結束愛情長跑，佢哋雖然愛得低調，但都唔會刻意「放閃」，雙方都冇話有好驚天動地既戀愛情節，但一直是圈中公認既金童玉女，全無緋聞。
潘燦良一直被稱為「劇團王子」，佢同蘇玉華喺舞台上或下都係最佳拍檔。蘇玉華同潘燦良喺演藝學院讀書時認識，之後齊齊加入香港話劇圈，當時都只係普通同事關係，直至合作《人間有情》舞台劇先「撻著」。
之後兩人不時喺舞台上拍住上，充滿默契。潘燦良曾喺商業電台節目講過佢同蘇玉華性格好不同，但冇為對方特登去改變，反而忠於自己，成功互補不足。「佢樂觀勇敢，比較開放，見蘇玉華如見陽光。」
呢幾年嚟，潘燦良多次向蘇玉華求婚，喺2013年求婚成功，但一直未有下文。潘燦良就話大家當時好懶，未有動力做呢件事。而蘇玉華亦曾經講過，認為結婚只係一種名分或生活形式，唔覺得需要結婚，而且佢覺得兩個人相處最重要舒服，懂得互相欣賞，但佢與潘燦良未婚都能完全做到，佢當然更加開心，即使冇山盟海誓，大家都已認定對方係餘下人生嘅另一半。
依家兩位終於正式結婚了！唔少粉絲為佢哋開心。其實，一對戀人相愛24年都KEEP住甜蜜真係好少有。祝願他們婚後繼續幸福快樂，白頭到老！
#拍拖易 #愛情分享 #歷久不衰的愛情
_4.jpg)
