拍拖易 DayDay Go Dating

PLAY 玩樂

你哋一齊開唔開心？戀愛關係健唔健康？一段感情需要雙方努力經營，學識建立「健康」既愛，俾大家空間同尊重，先至令彼此變得更好。以下4大重點，維繫健康愛情，相信大家可以做到。

1. 真正的愛俾對方空間
好多人拍拖個時好依賴對方，鍾意日日都見，日日都想癡埋一齊，時間耐左，對方都會覺得你好煩。愛，唔係要時時刻刻都癡埋一齊，係應該去欣賞並尊重對方鍾意做的事，保留私人空間，咁自己都要有獨處時間。

2. 有不滿唔好收埋係心
兩人相處難免會發生衝突，鬧交個陣，可以將你地感情問題視為成長，多啲溝通，將大家價值觀講出來，互相尊重，再提出解決辦法或平衡點，遇到不滿如果鬱係在心入面唔解決，久而久之，其中一方絕對會忍唔到講分手。

3. 體諒多啲唔好成日嘈
兩個人拍拖個陣，好容易會會因為對方情緒，就住就影響到自己，甚至開始同對方衝突、大嘈一場。其實每個人都會有情緒化的時候，係呢個時候，就唔應該忘記負面情緒背後的他，你愛的是原本那個本質的他，試著陪伴他，擺脫悲觀想法。

4. 尊重大家接受對方意見
感情中，的確需要個人空間，但唔代表你有任何決定、想法，都唔同對方溝通或討論。每個人都鍾意受到重視，試下係對方彷徨無助時給予支持，就算唔同意，都應該尊重對方意見。做到真正關心同尊重彼此，先係健康愛情。

~~~~~~~~~~~~~~~~~~~~~~~~~~~~~~~~~~~~~~~~~~

上一篇文章

下一篇文章