拍拖易 DayDay Go Dating

PLAY 玩樂

中秋拍拖有乜DO？DIY燈籠紮作夠新意︳吃喝玩樂情報推介︳拍拖易︳daydaygodating︳拍拖活動︳吃喝玩樂︳紮作燈籠︳中秋︳手作︳情侶︳約會

「拍拖易」

一年容易又中秋，今年想同BB過得特別啲~ 但係又諗到頭都大埋？
「拍拖易」有個好提議喎！
今次我哋嚟到 Draw2 Studio 體驗DIY燈籠紮作！想知道有幾特別？去片！

燈籠紮作師Mo分享佢嘅成師之路，由一開始只係自己摸索如何製作燈籠，到開班授徒，原來已經歷八年！

Mo分享話試過有一個好難忘嘅經歷，客人整咗個卡通燈籠，放咗隻戒指喺燈籠入面，並帶到外地求婚，最後客人告知求婚成功！

燈籠紮作嘅顧客類型甚廣，親子、情侶、個人、去到一大班團體都有。一般卡通燈籠要花上四小時或以上，按照想整嘅卡通結構而定，用多幾隻顏色，複雜程度亦會提升，真係唔簡單㗎！

情侶客人都鍾意做一對對嘅燈籠，或者會按當年興啲咩卡通片而定。其中米奇米妮、小飛象、三眼仔可以話係長青之選。另外今年Mo亦有出手工包，令大家唔洗出門都可以完成手作。

Mo每年都會改變、不斷加啲新元素，希望不論新鮮感或觀賞性都可以大啲，令大家可以製作出更好嘅作品！